तनहुँ, फाल्गुन ११ - सोमवार दम्पत्तिसहित तीन जनाको हत्या गर्ने दमौलीका २३ वर्षीय दिवीङ्ग रानामगरले वोक्सीको शंका लागेर आवेगमा आएर छिमेकीको हत्या गरेको प्रहरीसँग वयान दिएका छन् ।
विरामी अवस्थामा रहेका मगरले आफ्नो घरमा आइतवार राति धामिझाँक्री वस्दा जामुने १ घर भएका ४३ वर्षीय धामी वलसुन थापा मगरले वोक्सीले दुख दिएको र सोही रात आफुले वोक्सी भएको शंका गरेका वृद्धा छिमेकीहरुलाई मार्ने सोंच वनाएको वयान दिएको प्रहरी नायव उपरिक्षक ईश्वरीप्रसाद चापागाईले वताए । चापागाईंले प्रहरी कार्यालयमा प्रमुख जिल्ला अधिकारी लोकराज रेग्मीसहित पत्रकार सम्मेलन गरी उक्त कुरा वताएका हुन् ।
'सपनामा पनि नजिकैका छिमेकीहरुलाई देखें ।' मगरलाई उद्रृत गर्दै चापागाईंले भने, 'सपनामा मार भनेको व्याक्तिलाई खुर्पा प्रहार गरी मारेको हुँ । मलाई पनि गोली हानी मारिदिनुस् भन्छ ।' श्रीपञ्चमीको दिन देखि आँफुलाई असजिलो महशुस भै रहेको र धामी वलसुनले एक महिना उपचार गरे निको हुन्छ भनेपनि मगरले आवेगमा आएर हत्या गरेको प्रहरी समक्ष स्वीकार गरेको प्रनाउ चापागाईंले वताए । पत्रकार सामु रहेका दिविङ्गल पत्रकारसँग केही वोलेनन् । मगर आफु वाचेकोमा पश्चताप समेत गरेको प्रनाउ चापागाईंले जानकारी दिए ।
उनले हतियारले सर्वसाधारणको हत्या गरेकोमा मगरलाई कानुनी कारवाही प्रकृया अघि वढाईसकिएको जानकारी दिए । चापागाईले धामी वलसुनलाई पनि आवश्यक कारवाही अघि वढाइने जानकारी दिए । मगरले ६० वर्षीय दिलवहादुर र उनकी ५५ वर्षीया श्रीमती यसोदा र व्यास २ विसघरेका ६० वर्षीय टिकावहादुर श्रेष्ठलाई सोमवार खुर्पा प्रहार गरी हत्या गरेका थिए ।
kantipur
